Eyja Factory

Já það hafa í gegnum árin komið ágætis knattspyrnumenn frá eyjum og svo skemmir ekki að í ár er það eyjapeyjinn Hemmi Hreiðars og eyjaskvísan Margrét Lára sem hrepptu titlana Knattspyrnukona og Knattspyrnumaður ársins hjá KSÍ .. Til hamingju með þetta bæði tvö

Hermann knattspyrnumaður ársins 2007

Jólalagakeppni Rásar 2 (mitt álit)

Hér ætla ég að gefa lögunum í jólalagakeppni rásar 2 árið 2007 stjörnu frá 0-10

 Mörg lögin alveg ágæt þarna,sum betri en önnur

 

Jólalagakeppni Rásar 2

Gjöfin mín ert þú (Daníel Geir og Jólabandið)

Lag sem er í anda Blink 182 eða Sum41. Mér finnst nú ekki mikið varið í þá tónlist og líður þetta lag nokkuð fyrir það.   Textinn er ágætur og hjálpar það laginu uppí 5 stjörnur

Bréf til jólasveinsins (Hollendingarnir fljúgandi)

Jazz jólalag sem skilur ekki mikið eftir sig. Finnst lagið detta inní einhver önnur jólalög inná milli þó ég nái ekki að gera mér grein fyrir því hver þau eru. 4 stjörnur 

Manstu gömlu jólin (Ragnar Bjarnason)

Ágætt lag frá Ómari þarna en þó finnst mér söngurinn hjá honum Ragga Bjarna vera nokkuð misstækur. Þetta er lag sem er þægilegt í hlustun og fær 6 stjörnur 

Bernskunnar jól (Túpilakar)

Lag sem ég féll fyrir við fyrstu hlustun, Túpilakar eru nú hressir og skilar það sér bæði í lagi og texta. Mjög vel unnið lag og fær 8 stjörnur  

Jólagjafablús (Guðmundur I. Þorvaldsson)

Ég get ómögurlega skilið Rás2 að hafa valið þetta áfram. Hræðilegt að mínu mati þó svo að í þessu séu jákvæðir kaflar þá er þetta bara of einhæft og fær ekki nema 3 stjörnur 

Heill þér Jesú (Hraun)

Svavar Knútur er skrifaður fyrir þessu lagi og Hraun flytja. Ég sakna þess sem maður heyrir hjá Hraun venjulega. finnst þetta vera ágætt lag en einhvernveginn gleymist það um leið og lagið klárast. Þetta er of þungt en þjóðlegt er það og dettur inní stórskemmtilegann kafla . En lagið er 8 mínútur og það er of mikið. Lagið er gott en passar ekki þarna í þessari keppni   7 stjörnur fær lagið samt ef litið er framhjá því hvaða keppni þetta er. Ef þeir vinna keppnina þá er það eingöngu útá nafnið

Um þessi jól (Hrönn Sigurðardóttir)

Fallegt lag og vel sungið. Hátíðlegt lag og er nokkuð "save" jólalag 8 stjörnur 

Jól (Krossmenn)

Óttarlega dapurt lag og slöppur laglína. Textinn ágætur 4 stjörnur 

80 kvenna jól (Helgi og hljóðfæraleikararnir)

Ef textinn væri annar væri þetta frábært lag á barnaplötu. Ég er ekki neitt rosalega hrifinn af þessum texta og get ómögulega skilið hvað hann er að fara með því að syngja um fjölkvæni. Þetta er fyndið uppað vissu marki en þó ekki nóg til að heilla mig 5 stjörnur 

Frið á jörðu (Ólafur Þórarinsson)

Þarna er Óli í Mánum með lag sem minnir mig á papana og Mána. Stórgott lag og eitt af betri lögunum í keppninni. 8 Stjörnur

 

 

Mitt atkvæði dettur á Bernskunnar Jól með Túpilakar. 

Ágætur byrjendagítar til sölu á 500 þúsund

Fannst mjög fyndið að Gipson skuli hafa sagt þetta vera góðan byrjendagítar þar sem byrjendur eiga oft erfitt með að stillingar. Þetta held ég að sé kjánalegt, að sjálfsögðu þarf fólk bara að læra að stilla gítarana,( svo ekki sé talað um verðið á svona gítar) Það væri kanski bara hægt að hafa gítarinn meira sjálfvirkann því það verður nú að teljast algengt einnig að byrjendur eiga í erfiðleikum með að spila á gítar.

 

Annars er þetta svona uppfinning sem maður hugsar "afhverju var manni ekki búið að detta þetta í hug fyrr".

Annars sé ég margt spennandi við þessa hugmynd og fagna henni..

Sjálfstillandi gítar

Veggjakrots gagnagrunnur á íslandi

Nú veit ég ekki hvernig lögreglan heldur þessu til haga hér á Íslandi en í Kaupmannahöfn Danmörku hefur um nokkurra ára skeið verið haldið úti gagnagrunnur sem heldur utanum veggjakrot sem gert hefur verið. Þarna er safnað saman öllu því veggjakroti sem tilkynnt er í formi mynda og því auðvelt mál fyrir lögreglu að sjá umfang skaðans þegar veggjakrotari næst. Með því einu að skoða gagnagrunninn er hægt að sjá hvar viðkomandi hefur áður verið og hægt er að dæma eftir því. Í þessum gagnagrunni dana sem Kaupmannahafnar kommuna í samstarfi við DSB (danska lestarkerfið) stendur að er talað um að því fleirri sem eru með í baráttunni á móti veggjakroti því betra.

http://systemgraffiti.dk/index.htm

Annað sem húseigendur geta gert er að hafa alltaf tilbúna málningu og mála yfir veggjakrot strax þegar það uppgvötast því ekkert kemur betur í veg fyrir áframhaldandi skemmdir ef að veggjakrotararnir sjá að það er til einskis og eingöngu sóun að eiða spreyi á viðkomandi hús. Gott væri kanski bara að taka fyrst mynd.

Svo má að sjálfsögðu reyna að virkja "löglegt veggjakrot" meira því það verður að segjast að þetta er mikil prýði ef vel er gert og á réttum stöðum.  

Netvæðing veggjakrotsins

Að eltast við að vera "mest, best og stærst"

Þessi frétt er dæmigerð smáborgarafrétt sem fjölmiðlar landsins haf svo gaman af.

Það virðist vera eitt af stærstu verkefnunum hjá fjölmiðlum á Íslandi að  ala upp í okkur íslendingunum þá smáborgaramennsku að þurfa vita í hverju við erum best í... og svo ef talan er ekki alveg nógu hagstæð þá bæta þeir hinu sívinsæla " miðað við höfðatölu" á eftir.

Það er orðin langur listinn yfir hluti sem við erum best í eða gerum hvað mest.   Ég þyrsti í að vita hvort þetta séu upplýsingar sem við höfum einhver not fyrir.

Áreitið er nóg með bara þeim fréttum sem rigna yfir mann á degi hverjum þó svo að ekki sé verið að bæta uppá það flóð með þýðingarlitlum fréttum sem aðeins auka á þjóðarstoltið sem svo brotnar með enn hærri hvelli þegar við þessi stóra og frábæra þjóð verðum undir í einhverju svosem íþróttum.

  Kanski mætti bæta við þessa frétt að á Íslandi er verð miðað við gæði einna hæst fyrir þessa þjónustu (netnotkun) og því íslendingar ein sú heimskasta þjóð í heimi fyrir vikið að enda svona hátt á þessum lista 

Netnotkun einna mest hér

Nýtt útlit, sömu lélegu fréttirnar

nú veit ég ekki hvernig maður getur sagt þetta á "fallegann hátt" eða án þess að það hlaupi hland fyrir brjóstið á einhverjum þannig að ég set þetta bara fram einsog ég hugsa það..

 ER MBL.IS ORÐINN VERNDAÐUR VINNUSTAÐUR?  

Allavega verð ég alltaf meira og meira hissa á fréttum sem berast manni í gegnum þennan vef sem svo oft hefur unnið til verðlauna sem fréttavefur.

Endursagðar "ekkifréttir" úr erlendum slúðurblöðum

Stafsetning á við 11 ára einstakling (sem NB. er undir meðallagi í árgangnum í stafsetningu).

Nýtt útlit sem er stór afturför 

Staðreyndir skolast ´æ oftar til.  

Þetta er svona það sem ég hugsa þegar ég heyri mbl.is  

 

 

Fyrrum kærasta fékk brúðkaupsmyndirnar

Já og það skal ekki stoppa bara við textagerð, heldur stíga skrefið til fulls!

Ég er nú sammála að það sé of mikið af enskumælandi böndum á okkar íslandi í dag. En það að skikka tónlistarmenn til að semja eingöngu íslenska texta ef að þeir á annað borð hafa áhuga á að fá spilun á rás 2 er kanski ekki besta hugmyndin að mínu mati. Það er margt sem spilar inní. 

    Sú ákvörðun tónlistarmanna að syngja á ensku kemur ef til vill af ýmsum mismunandi ástæðum en mín skoðun er sú að íslendingar einfaldlega hafa ekki það vald á íslenskunni hvað varðar textagerð* og finnst útkoman oftar en ekki vera slæm og eiga auðveldara með að semja enska texta. Þetta má annaðhvort bæta eða bara horfa framhjá við textagerð, þegar allt kemur til alls eru ensku textarnir ekki fullkomnir og allsekki frumlegir oft á tíðum.

      Það er auðvelt að finna góðar línur á ensku og þar spilar inní það gríðalega magn af textum sem maður hefur heyrt í mörg ár og fyrir löngu eru greiptir inní undirmeðvitundina. Þar af leiðandi notum við oft setningar í ensku sem oft hafa heyrst áður en myndum ekki þora það á íslensku. Td myndi íslenskur tónlistarmaður án efa nota setninguna "Your blue eyes" í lagi sínu þó það hafi verið notað í ótal lögum en á íslensku myndi sami eintaklingur aldrei segja"bláu augun þín" því þá telur hann sig vera að stela úr öðru íslensku lagi. Þetta viðhorf gerir það án efa erfiðara að semja íslenskann texta.

      Margir tónlistarmenn halda að það sé ómögulegt að meika það á íslensku, eða líkt og Bubbi söng hér um árið  "Sumir syngja á  íslensku,  vá!  Æðislegt  flott. Ekki þykir mönnum það í  útlöndum gott. Nei, skrælingja mállýskur  meika ekki  sens, maður sem  syngur þannig  eignast aldrei  Bens."  Þarna er Bubbi (sem nú á dögum er talsmaður íslenskunnar og B&L) að tala um þá erfiðleika að meika það á íslenskunni erlendis og margir vita það eflaus ekki að hann fór nú þá leið eitt sinn að reyna að meika það  með erlendri útáfu af einni af plötum sínum en gekk ekki og heldur sig nú alfarið við ísland og tungumál þess. Þetta verð ég að segja að sé ekki satt. Það er allveg markaður fyrir íslenskann söng á erlendri grundu og Sigurrós sönnuðu það. Margir vilja nú meina að það sé alfarið tónlistarinnar þeirra að þeir komust svo langt en ekki textarnir og get ég fallist á það enda er það einmitt mergurinn málsins, það breytir ekki á hvaða tungumáli þú syngur, ef þú ert bara að gera flotta tónlist og ættu þessi bönd sem reyna að meika það erlendis að átta sig á því að það þarf bara að gera gæðatónlist til að fá áheyrn erlendis þar sem framboðið er svo miklu meira en eftirspurn. Jet Black Joe voru hvað heitastir á þeim tíma er þeir ákváðu að Ísland væri of lítið fyrir þá og fóru erlendis.. Ekki var það ferð til fjár þó þeir væru að syngja á íslensku. Ástæðan er einfaldlega sú að þeir voru bara eitt lítið óþekkt band í potti fullum að slíkum böndum að slást um það sama, ástæðan fyrir velgengninni hér heima var að sjálfögðu að þeir stóðu einir að kjötkötlunum.

Einn stór ókostur fyrir okkur íslendingana er hve rosalegir smáborgarar við erum. Það eru allir frægir á íslandi fyrir ekki neitt eða fyrir það eitt að fara oftar að djamma en nágranninn (flugan, hverjir voru hvar) Þegar maður svo er orðinn frægur á Íslandi þá elur maður upp í sér þá trú að nú séu manni allir vegir færir og það að meika það í útlöndum sé eins auðvelt. Semjum bara á ensku og þá erum við orðinir heimsfrægir á örskammri stundu. Það eru bara nokkur prósent af íslenskum böndum sem geta þetta, bandið þarf þá að vera að gera eitthvað sem fólk tekur eftir líkt og Sigurrós var að gera á sínum tíma. Kakan er einfaldlega fullsetin í hinum stóra heimi og það þarf eitthvað extra til að ná athyglinni. Álfar frá Íslandi gátu það greinilega.

 Hvað ensku varðar þá hef ég séð englendinga klóra sér í hausnum oft yfir því sem íslenskir tónlistarmenn láta útúr sér í lögum sínum. Það er gott og blessað að skilja ensku, geta talað og skrifað hana en það gerir þig ekki að góðum höfundi enskra texta. Það er víst algengt að orðasambönd komi vitlaust út eða málfræðilega séu textarnir rangir en við vitum það víst bara ekki.. Þessar villur í bland við ljótann íslenskann hreim ofaná þetta hrafnaspark á ensku fælir frekar frá en hitt og þá hefði jafnvel verið betra ef hlustandinn hefði ekki skilið baun í textanum.  

Akkúrat hinn vinkillinn á þessu sem ég tala um að ofan er að Sprengjuhöllin er komin á skrið með frumraun sína og þar er sungið á íslensku og líkar mér vel. Ekki finnst mér þetta neinir snildar tónlistarmenn og ef þeir hefðu sungið alla plötuna á ensku væri þetta strax farið að rykfalla hjá mér. Þeir eru því að ná til mín á því að syngja á íslensku. Þetta er ekki ósvipað því sem ég er að segja með að erlendis þarftu ekki að vera að syngja á ensku til að ná til fólks, þar þarftu bara að láta tónlistina hrífa fólk þó svo að textinn sé svo eitthvað sem ekki skilst.

 

 *Að sjálfögðu  eru undantekningar að þessi og Bubbi Morthens og Stebbi Hilmars sem dæmi eru menn sem hafa fyrir löngu náð miklu valdi á móðurmálinu í textum sínum. 

 Sænska hljómsveitin KENT hefur gefið út plötur sínar á ensku og sænsku. Væri þetta kanski hugmynd fyrir íslendinga? Þá hefur hlustandinn möguleika á að velja. geisladiskurinn gæti evt. verið tvöfaldur með báðum útgáfunum.

 

Vonum nú bara að tónlistarmennirnir taki rétta ákvörðun. Ég er á þeirri skoðun að ef þú ætlar bara að vera tónlistamaður á íslandi þá gerir þú líkt og

Bubbi Morthens, Sálin Hans Jóns Míns, Ný Dönsk, SSSól, Todmobile, Sprengjuhöllin, Hjálmar, Ólöf Arnalds eða Baggalútur

Ef þú á annaðborð ætlar að verða þekkur í útlöndum gerir þú bara nógu góða tónlist og hefur textana líkt og þú vilt.

 

Kæra Rás2, þú ert útvarp allra landsmanna og skallt ekki setjast í dómarasæti hvað skal sagt og hvað ekki, td mætti þá leyfa pólska texta, litháenska og tælenska í réttu prósentutölu við fjölda þeirra á landinu er það ekki? 

Rás2 gæti einnig farið framá það að tónlistin yrði einnig eingöngu spiluð á hin gömlu góðu langspil og sög ef að það ætti að skikka fólk á annað borð við sköpun sína.

Réttast væri að hafa íslenskuna ráðandi en að banna íslenskum tónlistarmönnum að syngja á ensku er ekki minn tebolli og vonandi ekki þeirra heldur.

  

Óskalög Íslendinga

Þarna hefði verið gott að hafa göng!!!!

Allavega hefðu sparast hundruðir þúsunda á að aka þetta í stað þess að kalla út þyrlu.

Kanski hægt sé að draga þennan kostnað frá í útreikningum um kostnað við að gera göng.  

 

Þetta mál er orðið svo umfangsmikið að kvikmynd er örugglega í smíðum sem frumsýnd verður í bíóinu í  Eyjum 2. í jólum

Flutt til Selfoss og leidd fyrir dómara

Samkynhneigð og Hjónavígslur

Ég velti því fyrir mér eftir að umræðan um að samkynhneigðir fái að ganga í heilagt hjónaband afhverju fólki finnst það verra að það sé kallað hjón.

Afhverju er td Steinunn Jóhannesdóttir rithöfundur svona á móti þessu? hún talar um að karli og konu sé úhýst úr hjúskaparlögunum... Þetta finnst mér vera mikill miskilningur og vera hrein og bein vitleysa.  Hún sagði svo í Silfri Egils á sunnudagskvöld að konan myndi missa stöðu sýna í þjóðfélaginu... Einnig setti hún málið þannig fram að ekki væri annað að skilja en að  óvíst væri í framtíðinni hver myndi ganga með börnin. HVER Á AÐ TAKA AÐ SÉR BARNEIGNIR? spurði hún. Ég hallast nú að þvi að hvað sem við erum kölluð þá sjái náttúran um þá hluti. Td er hægt að haga sér einsog svín þó að úr verði grís.  

Hjónaband er sáttmáli milli einstaklinga um samvistir og sameiginlega ábyrgð, þar sem einstaklingarnir ákveða að eyða lífinu saman. Oftast er hjónaband bæði siðferðislegur og lagalegurmanna, og jafnvel í elstu heimildum virðist sem hjónaband hafi verið orðið að hefð. Þótt ýmsir mannfræðingar hafi rannsakað hjónaband í mismunandi samfélögum er lítið vitað um uppruna þess.   sáttmáli. Hjónaband fyrirfinnst í nánast öllum samfélögum  (tekið af Wikipedia.com)

Ég held að það væri bara gott mál að sleppa þessari skilgreiningu á orðinu hjón = karl+kona út og kalla þetta hjónaband einstaklinga.

 Í umræðu um samkynhneigð fyrir nokkrum vikum sló ég því upp að best væri bara að allir væru Bi-seksual þar til annað kemur í ljós því við eigum að elska hin innri mann en ekki útlitið eða formið.. Það er ekki hægt að  réttlæta það að maður girnist bara gagstætt kyn.. eða hvað?

Þjóðin ræður. Hér er lausnin

Ég hef undanfarið verið að pæla hvað er hægt að gera fyrir þetta svokallaða landslið okkar. og tvær hugmyndir svona ofarlega hjá mér. 

Önnur er sú að hafa bara efsta liðið hverju sinni í efstu deil á Íslandi sem grunn að landsliðinu og nota svo þá snillinga sem eru á annað borð að spila með sínum liðum af einhverju viti erlendis. Það vita allir að maður sem bara æfir með stórliði en spilar aldrei leik er ekkert betri er sá sem æfir og spilar hér heima eða hjá smærri klúbbi erlendis. En þetta er hugmyndin sem mér líkar verr við af mínum hugmyndum.

Hin er þessi.

Gerum íslensku þjóðina af landsliðsþjálfara. Draumalið íslensku þjóðarinnar. Fólk kýs menn annaðhvort á netsíðu eða með sms sem það vill sjá spila og svo eru stigahæstu menn notaðir í liðið. Til að stjórna æfingum og á leikdegi er að sjálfsögðu þjálfari, en það hefur sýnt sig í alltof mörg skipti að þeir velja oft mjög vitlaust í hópinn. 

Að sjálfsögðu þyrfti að hafa eitthvað þak á hverjir eru í boði en það gætu evt. verið 100 leikmenn sem valdir eru af þjálfaranum. Með þessu móti gerum við það sem við erum best í (að kjósa á netinu) og við bryddum uppá nýbreytni og gerum loks eitthvað við þetta lið sem alltof oft skúffar íslensku þjóðina sem ávalt heldur að í dag séum við besta lið í heimi. 

Þetta myndi vekja margar þjóðir til umhugsunar en eingin þjóð á eins bágt og við núna held ég og þetta er rétti tíminn til að breyta til...

 

Ps. Eyjólfur er ekki að standa sig 

 

 

Ljótur skellur Íslands í Liechtenstein