Hræðilegur tónleikastaður og slæm skipulagning

Ég hef heyrt eftir hverja einustu tónleika að þetta sé hræðilegur tónleikastaður og allsekki boðlegur.

En þá spyr ég, afhverju er fólk að láta bjóða sér þetta? Ef þú hefur ekki áhuga á að fara þarna skaltu þá ekkert kaupa þér miða á uppsprengdu verði til að hafa svo ekkert annað að segja um upplifun þína nema allt það slæma. 

Ég stóð þarna í Egilshöll og að sjálfsögðu líkt og aðrir þótti mér hitinn mikill en ég skil hinsvegar tónleikahaldara ágætlega eða í það minsta þeirra rök fyrir afhverju ekki var keyrð loftræsting á fullu, en málið er bara því miður að þeir klúðruðu þessu hræðilega því frá því að ég kom (18:00) og til kl 19:30 var ekki notaðar viftur sem eru í loftinu til að sjá um endurnýjun. Svo þarna um 19:30 var keyrður einn af ca. 15 blásurum í nokkrar mínútur og svo slökkt aftur áður en upphitunarbandið byrjaði sem hljómar svolítið kómískt og hefði mátt kalla Ellen og fjöldskyldu frekar stuðísetningaratriði í stað upphitunar því hitinn var nægur. 

Svo á milli atriði hefðu þeri líka getað keyrt loftræstinguna á fullu en gerðu ekki, Hversvegna? 

Eitt af því sem ég heyrði var að allann þann tíma sem tónleikagestir voru að furða sig á þessum hita öllum var að uppí í stjórnstöð hússins væru menn í samningaviðræðum um hvað opna ætti mikið því sjúkralið og lögregla vildu að sjálfsögðu opna sem mest fyrir loftræstingu og þar voru tæknimenn ósammála því ljós eru gagnslaus ef birta lekur inn eða reykur fer út því þetta gerir ljósin mun áhrifameiri td spotljós sem voru staðsett aftast í salnum.  Svo þegar rökkva tók var hægt að opna hurðar að einhverju leiti. 

 

Nú er það vitað mál að þetta hús var aldrei hannað fyrir svona viðburði en eflaust hefur verið hugsað um einhverskonar stórviðburði en ef að loftræstikerfið er svona hávært hefur ekki verið hugsað með öllum heilasellunum hvað varðar möguleika á tónleikahaldi. 

Ég hef samt oft staðið í svona hita og lét þetta því ekkert á mig fá. Á U2 í kaupmannahöfn eitt árið mældist 50 stiga hiti við loft í höllinni og 35 niðri við áhorfendur og þar var sem betur fer dreift vatni ókeypis og bjórbúllurnar önnuðu eftirspurn sem ekki er hægt að segja um í Egilshöll. 

Hvaða snillingi datt það í hug að hafa aðeins einn stað með bjór,vatn og gossölu? og það í þokkabót aftast í salnum og bara öðrumeginn, þannig að þeir sem höfðu borgað mest fyrir miðann þurftu að fara lengstu leiðina til að versla. A svæðið var stór hluti salarins og þar inn var ekki neinn vökva að hafa. Biðraðir voru langar og menn stóðu í uppundir klukkutíma í röð þegar verst var. Í þessum hita eykst salan á svona varningi og með almennilegum sölubásum hefði verið hægt að þéna enn meira en raunin var. Hvað var td vatnslslangan til að setja vatn í glös og dreyfa útí áhorfendaskarann jafnóðum? Já að sjálfsögðu hefði það minkað bjórsölu og því engum fégráðugum tónleikahaldara hér á landi dottið það í hug ennþá

Tónleikahaldari frétti það víst samdægurs að ekki mætti selja bjórinn í dósum og verð ég bara að segja loksins loksins komst ísland á sama fyrirkomulag og erlendis þar sem ekkert sem lokað getur vökva inni er leyfilegt, því er seldar tappalausar vatnsflösku og bjór í glösum því allir vita að einn hálfviti sem kastar svona uppá svið er búinn að skemma tónleikana fyrir öllum hinum og það höfum við sé hér á landi. 

En fyrst tónleikahaldari fékk þessar upplýsingar samdægurs hversvegna lagaði hann ekki búð sína að aðstæðum því þar var í sjálfu sér ekki stærðin sem var vandamálið heldur það að nú þegar hella átti öllum bjórdósum í glös við sölu hægðist heldur betur á dæminu, svo úr varð að undir lokin var farið að selja dósir. 

 Og svo er bílastæðavandinn þarna allveg frábær.

 Svona til að taka þetta saman fyrir tónleikahaldara þá er hér stikkorð. 

 Loftræstingu skal keyra framað tónleikum og milli atriða

Bjórbásar skulu vera margir ef von er á 13 þús manns

Vatnsslöngur skulu vera fyrir framan áhorfendur og á milli svæða þar sem starfsmenn geta fyllt glös og dreift.

Bílastæði eru ekki boðleg og kanski ráð að dreyfa umferðinni einhvernveginn td. með rútuferðum frá nærliggjandi stöðum.

 En það var eitt sem ekki var að þarna en það var Clapton sjálfur og hans hljómsveit. Þvílíkur snillingur. 

 

Kæfandi hiti á Clapton

Athugasemdir

[...désú (IP-tala skráð) 11.8.2008 kl. 10:28]

Ek hef einu sinni gjört þau mistök að fara á hljómleika í höll Egils og það gjöri ek eigi aftur á þessari lífstíð!

[Marinó G. Njálsson, 11.8.2008 kl. 10:31]

Það er bull að bjór hafi ekki verið seldur í dósum og vatn á óopnuðum flöskum.  Ég sá fólk koma með heilu kassana af bjór og fá han afgreiddan yfir borðið í dósum. Ég og sonur minn keyptum okkur svo vatn og fengum fjórar óopnaðar vatnsflöskur.

Þetta með hitann er þekkt vandamál og skil ég ekki af hverju er ekki búið að gera eitthvað í málinu, þó ekki væri nema að auka loftmagnið sem hægt er að dæla inn á lægri snúningi.

[Björn Jónasson (IP-tala skráð) 11.8.2008 kl. 10:49]

Hefði ekki getað orðað þetta betur? 

Tónleikahaldarinn stærði sig að því að hafa undirbúið þetta í 1 til 2 ár.  Vera má að heimsókn og spilamennska Claptons hafi verið undirbúin í 1-2 ár, enda var hann hreint út sagt frábær, framkvæmdin á tónleikunum sjálfum var undirbúin af heimamönnum seinnipartinn sl. föstudag. 

Lærði það á þessum tónleikum að næst fer ég ekki eftir tilmælum tónleikahaldara um að koma ekki með eigið vatn ef líkur eru á fjölmennum tónleikum, þrátt fyrit tilmæli þeirra, keypti mig ekki inn á A svæðið til að eyða 75 min í að kaupa vatn fyrir okkur hjónin. 

Hvernig væri að semja við lögreglum að slökkva á öllum umferðaljósum og láta lögreglumenn um að handstýra umferðinni frá tónleikunum, þetta var enn ein áminningu hversu illa gatnakerfi Rvk. er undir það búið ef tæma þyrfti borgina vegna náttúruhamfara.

[Eyþór (IP-tala skráð) 11.8.2008 kl. 12:45]

Væl er þetta, er ekki alltaf heit á innanhústónleikum?

Man vel eftir rammstein í höllinni, þá var sko heitt og þeir með eldbyssur og læti.

Hef lært af reynslunni að maður á ekki að vera fremst þegar tónleikar byrja, maður örmagnast, frekar ryðja sér leið í gegn þegar aðalatriðið er að byrja.

Mér fannst mikið meiri hiti á metallica enn á clapton, enda var mun meira stuð a metallica enn elliborgarahátíð claptons.

[Stefán Þór Steindórsson, 11.8.2008 kl. 16:37]

Marino lestu bara niðurlagið á málsgreininni sem þú ert að tala um þarna "svo úr varð að undir lokin var farið að selja dósir." Varðandi ástæðu þess að ekkert hefur verið aðgert varðandi vandamálið einfaldlega sú að rekstraraðili/eigandi hefur væntanlega ekki áhuga á að bæta þetta með tilheyrandi kostnaði til þess eins að leigja húsið áfram út á sama verði. Þetta væri framkvæmd sem erfitt væri að fá innkomu peningalega fyrir. 

Björn Þú verður að sætta þig við að fara að tilmælum tónleikahaldara um að taka ekki með eigið vatn því þú kemst ekki inn með það þar sem menn láta fólk losa sig við allt svoleiðis við inngang

Eyþór Já þetta er mikið væl í fólki og það er einnig gott að þú þekkir til hita a innitónleikum en ég þekki þetta líka, en þekki líka þann munað að vera á góðum tónleikastað á stórtónleikum í fínu hitastigi. en ég er nú þeirrar skoðunnar að hiti sé eitthvað sem fylgir þessu en þegar hitinn er strax frá upphafi vegna hugsunarleysis verður maður að slá í borðið. viftur hefðu átt að vera í gangi þar til fyrsta atriði byrjaði.